Jobe Bellingham ដែលជាប្អូនប្រុសរបស់តារាឆ្នើម Real Madrid អាចនឹងចុះហត្ថលេខាជាមួយ Bayer Leverkusen ក្រោមការដឹកនាំរបស់ Xabi Alonso។ 

Jobe Bellingham អាចនឹងបោះជំហានដ៏ធំមួយក្នុងអាជីពរបស់គាត់ ដោយមានជំនួយពី Xabi Alonso ។ ខ្សែបម្រើអង់គ្លេសដ៏មានទេពកោសល្យដែលជាប្អូនប្រុសរបស់ Jude Bellingham កំពុងទាក់ទាញចំណាប់អារម្មណ៍ពី Leverkusen ដែលជាក្រុមមួយដែលបានធ្វើឱ្យអឺរ៉ុបមានការភ្ញាក់ផ្អើលជាខ្លាំង កាលពីរដូវកាលមុន ក្រោមការដឹកនាំរបស់គ្រូបង្វឹកសញ្ជាតិអេស្ប៉ាញ។

ការវិវឌ្ឍន៍របស់កីឡាករបាល់ទាត់វ័យក្មេងរូបនេះ មិនអាចមើលរំលងបានឡើយ ហើយក្លឹបអាល្លឺម៉ង់មើលឃើញពីការវិនិយោគនាពេលអនាគត គឺដើម្បីពង្រឹងគម្រោងរបស់ក្លឹបបន្ថែមទៀត។

Leverkusen ជឿជាក់ថា ជាមួយនឹងការហ្វឹកហាត់ត្រឹមត្រូវ Jobe Bellingham អាចបញ្ចេញសក្តានុពលពេញលេញរបស់គាត់ នៅក្នុងលីគ Bundesliga។

ទោះបីជាយ៉ាងណាក៏ដោយ ការចរចាស្ថិតក្នុងដំណាក់កាលដំបូងនៅឡើយ ប៉ុន្តែ Leverkusen គឺជាក្លឹបដែលបានបង្ហាញឱ្យឃើញពីរបៀបធ្វើការជាមួយកីឡាករវ័យក្មេងដែលមានទេពកោសល្យ។  

គ្រង់យ៉ាងគឺអាស្រ័យលើឆន្ទៈរបស់កីឡាករ និងលក្ខខណ្ឌសេដ្ឋកិច្ចនៃកិច្ចព្រមព្រៀង។ Leverkusen ប្តេជ្ញាពង្រឹងខ្លួនជាមួយនឹងកីឡាករវ័យក្មេងដែលមានទេពកោសល្យ ហើយ Jobe Bellingham អាចជាផ្នែកសំខាន់នៅក្នុងគម្រោងនេះផងដែរ៕