Phil Foden ត្រូវបានគេរាយការណ៍ថា នឹងត្រូវបានផ្តល់ជូននូវកិច្ចសន្យាថ្មី ដែលមានតំលៃទ្វេដងពី Manchester City។

Manchester City កំពុងផ្តល់រង្វាន់ដល់កីឡាករវ័យ ២៤ឆ្នាំ Phil Foden បន្ទាប់ពីបញ្ចប់រដូវកាលដ៏ល្អបំផុត ដោយការដំឡើងប្រាក់ឈ្នួលចាប់ពី ២០០,០០០ផោនក្នុងមួយសប្តាហ៍ ទៅជា ៣៧៥,០០០ផោន ក្នុងមួយសប្តាហ៍ ឱ្យដូចទៅនឹងចំនួនប្រាក់ឈ្នួលរបស់កីឡាកររកបានចំណូលច្រើនជាងគេរបស់ក្លឹប គឺ Erling Haaland និង Kevin De Bruyne នេះបើយោងតាមសារព័ត៌មាន The Sun។ 

City បានបន្ថែមថា ក្លឹបនឹងធ្វើការចុះកិច្ចសន្យាថ្មីជាមួយ Foden និងអ្នកតំណាងរបស់គាត់ មុនពេលចាប់ផ្តើមរដូវកាលថ្មីនេះ ដើម្បីបញ្ចៀសការចាប់អារម្មណ៍ពីក្លឹបល្បីៗដូចជា Real Madrid ជាដើម។

បញ្ចប់រដូវកាលដ៏គួរឱ្យចាប់អារម្មណ៍ Foden បានស៊ុតបញ្ចូលទីបាន ២៧គ្រាប់ នៅទូទាំងការប្រកួតទាំងអស់ ខណៈដែលបានជួយ Man City ឈ្នះពានរង្វាន់ Premier League ជាលើកទី៤ជាប់ៗគ្នា។ 

កីឡាករសញ្ជាតិអង់គ្លេសរូបនេះ ត្រូវបានជាប់ឈ្មោះជា Premier League និង FWA Player of the Year ហើយឈ្នះមេដាយលីគចំនួន ៦ រួចហើយ ដែលធ្វើអោយ Foden ក្លាយជាកីឡាករម្នាក់ក្នុងចំណោមកីឡាករដែលមានទេពកោសល្យល្អបំផុត៕